Илијана Јотова изјави дека Бугарија има загриженост поради информации дека Северна Македонија бара алтернативни начини за отворање на други поглавја од преговорите со ЕУ, наместо да започне со првиот кластер кој се однесува на човековите права.
Според Јотова, првиот кластер е најважен и претставува основа за целиот преговарачки процес. Таа нагласи дека Бугарија нема да се согласи на негово заобиколување или одложување.
„Северна Македонија да не се лаже дека има покус пат, до јуни треба да се реши прашањето ако сè уште сака да биде дел од ЕУ“, рече таа.
На Минхенска безбедносна конференција, Јотова се сретнала со Антонио Кошта, со кого разговарала за проширувањето на ЕУ, состојбите на Западен Балкан и бугарската позиција кон Северна Македонија.
Таа повтори дека без измени во Уставот на РСМ и впишување на Бугарите како дел од народите во државата, нема да има напредок во евроинтегративниот процес. Според неа, овие услови се во согласност со европските критериуми.
Јотова истакна дека до јуни, со напори на Бугарија и европските партнери, треба да се најде решение доколку Северна Македонија сè уште сака да продолжи по патот кон членство во ЕУ.
Слични новости
Црногорскиот претседател Јаков Милатовиќ пристигна во посета на Македонија
На покана на претседателката Гордана Сиљановска Давкова црногорскиот претседател Јаков Милатовиќ од денеска престојува во дводневна посета на Македонија.
МВР со снимките од камерите на дискотеката “Пјур” ќе утврдува што се случило при инцидентот со полицајците
Од МВР потврдија дека ќе се бараат снимките од камерите пред дискотеката “Пјур” за да се утврди што во саботата рано наутро се случило при полициска интервенција.
Европските индекси варираат, нафтата Брент 107 долари
Европските индекси на берзите денеска варираат, а нафтата Брент се продава за 107 долари по барел по извештајот дека американскиот претседател Доналд Трамп е подготвен да ја оконча воената кампања против Иран