Ѓоковиќ поразен во полуфиналето на АТП мастерсот во Шангај од 204-от играч на АТП листата

Ветеранот Новак Ѓоковиќ не успеа да се пласира во финалето на Мастерсот во Шангај, откако денеска во полуфиналето беше поразен од Валентин Вашеро од Монако со 6:3 и 6:4. Српскиот тенисер е петти на светската ранг листа, а Вашеро е 204-ти.

По натпреварот Ѓоковиќ изјави дека е неверојатно достигнувањето на Вашеро од квалификант до учесник во финалето. „Играта му беше извонредна и му посакувам се најдобро во финалето. Денеска победи подобриот играч“ изјави Ѓоковиќ по поразот од Вашеро.  

Вашеро во финалето во Шангај ќе игра против победникот од мечот меѓу Русинот Данил Медведев и Французинот Артур Риндеркнеш.