„Хоперс“ и натаму прв на Бокс Офисот

Анимираниот филм „Хоперс“ и натаму е убедливо прв на американскиот Бокс Офис, иако забележа голем пад на гледаноста во втората недела од прикажувањето во кино салите.

Хоперс викендов во САД заработи 28,7 милиони долари и стигна до заработка од 169 милиони долари, од кои 90 милиони во САД и 79 милиони долари на странските пазари.

На второ место на Бокс Офисот е драмата „Потсетување на него“ на режисерката Ванеса Касвил со Маика Монро и Тајрик Витерс. Филмот заработи 20 милиони долари на премиерниот викенд во САД и 10 милиони на странските пазари.

Во врвот на Бокс Офисот сеуште е и хоророт „Вресок 7“ кој досега заработи одлични 178 милиони долари.