Хамас во средата ги предаде останките на уште двајца заложници на Меѓународниот комитет на Црвениот крст, но рече дека во моментов не е во можност да ги лоцира преостанатите тела.
Израелската војска претходно соопшти дека четири ковчези се предадени на персоналот на МКЦК и наскоро ќе им бидат предадени на израелските сили. Според договорот за прекин на огнот меѓу Израел и палестинскот милитантно движење, Хамас е должен да предаде вкупно 28 тела. Групата ги ослободи последните 20 живи заложници во понеделникот.
Сепак, предавањето на преостанатите тела сега изгледа тешко, што предизвикува стравувања за стабилноста на кревкото примирје.
Израелската војска во средата соопшти дека експертите за судска медицина откриле дека едно од 10-те тела што Хамас ги предал досега не се совпаѓа со ниту еден од исчезнатите починати заложници.
Во соопштение објавено истовремено со последното предавање во средата, Хамас рече дека ги предал сите тела на заложниците до кои моментално можел да пристапи, со што ги исполнил своите обврски според договорот за прекин на огнот.
„За преостанатите тела на затворениците се потребни значителни напори и специјална опрема за нивно пребарување и враќање, а ние вложуваме големи напори за да го затвориме ова досие“, се вели во соопштението.
Се верува дека многу од останките на заложниците се закопани под урнатините на бомбардираните згради или во тунелските окна, во двете години конфликт во Појасот Газа.
Израел продолжува да инсистира на враќање на телата на сите мртви заложници.
Слични новости
Трамп нелегално ја испратил Националната гарда во Портланд
Одлуката на американскиот окружен судија Карин Имергут е првата што трајно го блокира користењето на воена сила од страна на Трамп за задушување на протестите против имиграциските власти.
Москва бара појаснување од САД за нуклеарните тестови
Русија во петокот ги повика САД да разјаснат, како што ги нарече, контрадикторни сигнали за продолжување на нуклеарните тестови, велејќи дека таков чекор би предизвикал сериозни реакции од Русија и други земји
Аеродромот во Лиеж повторно привремено затворен поради прелет на дрон
Аеродромот во белгискиот град Лиеж ги продолжи летовите по привременото затвореање поради забележување дрон, соопшти националната служба за контрола на воздушниот сообраќај во петокот, што е втор ваков инцидент оваа седмица