Палестинската милитантна група Хамас воспостави контролни пунктови, започна размена на огин со ривалските фракции и започна да спроведува насилни казнувања на Палестинците кои ги сомничи за колаборација со Израел, пишува Фајненшал тајмс.
Во извештаите се укажува дека ова се случува непосредно откако Хамас се согласи на примирје со Израел и окончување на двегодишниот судир во Појасот Газа.
Според тврдењата на жителите на окупираната палестинска енклава, како и според безбедносните извештаи на ОН и други меѓународни организации, Хамас бргу се распореди ширум Појасот Газа за повторно да воспостави контрола и власт и да ги разреши конфликтните односи со ривалските фракции.
Отпорноста и подготвеноста на оваа милитантна група ги изненади жителите на Газа по долготрајната изложеност на Хамас на силни напади на израелската армија.
Иако поголемиот дел од израелскиот безбедносен естаблишмент е убеден дека воените капацитети на Хамас се уништени, особено способноста за производство на голем број ракети, брзото распоредување на неговите борци ширум енклавата укажува дека групата и натаму има способност да ја задржи власта во Газа, оценува Фаненшал тајмс.
Според вториот дел од планот за примирје Хамас треба да биде целосно разоружан, а безбедноста во Газа да ја одржуваат меѓународни сили.
Слични новости
Москва бара појаснување од САД за нуклеарните тестови
Русија во петокот ги повика САД да разјаснат, како што ги нарече, контрадикторни сигнали за продолжување на нуклеарните тестови, велејќи дека таков чекор би предизвикал сериозни реакции од Русија и други земји
Аеродромот во Лиеж повторно привремено затворен поради прелет на дрон
Аеродромот во белгискиот град Лиеж ги продолжи летовите по привременото затвореање поради забележување дрон, соопшти националната служба за контрола на воздушниот сообраќај во петокот, што е втор ваков инцидент оваа седмица
САД планираат воено присуство во воздухопловната база во Дамаск
Соединетите држави се подготвуваат да воспостават воено присуство во воздухопловната база во Дамаск за да го поддржат безбедносниот договор постигнат со посредство на Вашингтон меѓу Сирија и Израел