Париската обвинителка ги критикуваше медиумските извештаи од неделата дека двајца мажи се уапсени по спектакуларната кражба на осум француски скапоцени камења во вредност од 88 милиони евра од познатиот музеј Лувр во Париз, велејќи дека тоа го отежнува продолжувањето на истрагата и враќањето на украдените предмети.
Париската обвинителка Лор Беко објави во неделата дека истражителите „ги извршиле апсењата во саботата навечер“, потврдувајќи ги претходните извештаи во дневниот весник Le Parisien и седмичникот Paris-Match
Еден од двајцата осомничени планирал да ја напушти земјата и бил приведен на аеродромот Шарл де Гол околу 22 часот во саботата. Извори велат дека се обидувал да избега во Алжир, според агенцијата AFP.
Другиот бил уапсен подоцна истата вечер во предградието Сен-Сен Дени, северно од Париз.
Беко го изрази своето незадоволство што информациите биле објавени, велејќи дека тоа „може само да им наштети на истражните напори на стотината истражители мобилизирани за да го бараат украдениот накит“ и на сите сторители. Се верува дека двајцата уапсени се дел од групата од четири члена, јавува француската новинска агенција.
Министерот за внатрешни работи Лоран Нуњез, обраќајќи се на платформата X, им упати „најтопли честитки на истражителите кои неуморно работеа според упатствата и кои имаа негова целосна доверба во текот на целиот процес“.
Уапсените осомничени крадци украдоа осум скапоцени предмети на 19-ти октомври, откривајќи безбедносни пропусти за време на провалата во најпосетуваниот музеј во светот.
Користеле работен кран, скршија прозорец на горниот кат во работното време кога во музејот веќе имало посетители, влегле во Галеријата Аполо и избегале со мотоцикли.
Според Le Parisien, двајцата мажи се во триесеттите години и потекнуваат од областа Сена-Сен Дени.
Беко објави во четвртокот дека на местото на злосторството се земени повеќе од 150 примероци од ДНК и други докази, и дека крадците оставиле зад себе ракавици, шлем, две аголни брусилки, флуорна ламба, жолт елек и „воки-токи“ додека бегале. Исто така, ја испуштиле круната на царицата Евгенија за време на нивното бегство, која беше оштетена и треба да се реставрира.
Обвинителката објави дека во откривањето на сторителите помогнал видео надзорот, кој им овозможил да ја следат нивната рута низ Париз и соседните области.
Украдените предмети сè уште не се пронајдени, а AFP пишува дека постои ризик дијамантите и скапоцените камења да бидат извадени од накитот, а скапоцениот метал да бил веќе растопен.
Слични новости
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков
Најмалку 23 мртви во пожар во ноќен клуб во Гоа
Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа
Грчката крајбрежна стража пронајде брод со 18 мртви мигранти
Грчката крајбрежна стража пронајде брод со 18 мртви мигранти близу брегот на Крит, објави грчката јавна телевизија ERTnews во саботата