Бразилски Фламенго се пласираше во полуфиналето на Интерконтиненталниот куп откако го победи мексиканскиот претставник Круз Азул со 2:1 во четвртфиналето играно во во Ал Раијан.
Натпреварот се одигра пред само 7.000 гледачи на стадионот „Ахмад бин Али“ во Ал Раијан, кој инаку има капацитет од 45.000.
Фламенго поведе во 15. минута со голот на Џорџијано Де Араскаете, Хорхе Санчез израмни во 41. минута, а Де Араскаете ја донесе победата на бразилскиот тим постигнувајќи го својот втор гол на натпреварот во 71. минута.
Фламенго ќе игра во полуфиналето, на 13 декември, на истиот стадион против египетскиот клуб Пирамидс. Инаку, актуелниот африкански шампион го победи фаворизираниот саудиски Ал-Ахли со 3:1 во четвртфиналето играни на 23 септември.
Победникот од бразилско-египетската пресметка ќе се пласира во финалето, каде што ќе се соочи со ланскиот победник во европската Лига на шампионите, Париз Сен Жермен, на 17 декември.
Интерконтиненталниот куп на ФИФА е годишно клупско натпреварување организирано од ФИФА и во кое учествуваат актуелните шампиони на сите шест конфедерации (УЕФА, КОНМЕБОЛ, КОНКАКАФ, АФЦ, КАФ, ОФЦ), при што европскиот шампион директно се квалификува за финалето, додека другите играат во меѓуконфедерациски плејоф натпревари за да се одреди предизвикувачот за финалето.
Слични новости
Денвер Нагетс во серија победи и без Јокиќ
Кошаркарите на Денвер Нагетс денеска на свој терен ја победија екипата на Вашингтон Визардс со резултат 121:115 предводени од Џамал Мари кој постигна 42 коша.
Хјустон ја победи Минесота во дербито на Западната конференција
Хјустон ја победи Минесота во дерби меч од Западната конференција на НБА што се одигра утринава со 110:105. Најдобар поединец кај Хјустон беше Кевин Дурант кој даде 39 коша од кои шест тројки
Данска-Македонија 36:24, клучните натпревари против Португалија и Романија
Капитенот на македонската ракометна репрезентација Филип Кузмановски изјави по вечерашниот пораз од Данска (24-36) на отворањето на Европското првенство, дека клучните дуели во групата Б допрва претстојат против Португалија и Романија.