Американскиот претседател Доналд Трамп мора да бира меѓу продолжување на војната со Иран или прифаќање на договор кој во голема мерка би бил постигнат под условите на Техеран, пишува „Фајненшал тајмс“, повикувајќи се на извори во администрацијата во Вашингтон.
Според наводите на углкедниот британски весник, американските воени цели во меѓувреме се сведени на барањето Ормутскиот теснец да остане отворен за меѓународна пловидба.
Меѓутоа, секој можен договор веројатно на Иран би му ја оставил контролата врз тој стратешки пловен пат, а дури не се исклучува ни можноста за наплаќање надомест за премин на бродовите.
Таквиот исход, како што оценува „Фајненшал тајмс“ во Вашингтон би можел да биде доживеан како стратегиско понижување, бидејќи Техеран и покрај американскиот воен и политички притисок би го задржал пресудното влијание врз една од најважните светски рути за транспорт на нафта.
Поранешниот американски преговарач за Блискиот исток Арон Дејвид Милер оцени дека во овој момент не постои решение кое би и овозможило на администрацијата на Трамп да го претстави како победа.
Слични новости
Растат тензиите меѓу САД и Иран по истекувањето на договорот за прекин на огнот
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец
Техеран: Уништени над 200 непријателски дронови и авиони
Иранските системи за противвоздушна одбрана соборија повеќе од 200 непријателски летала за време на воениот конфликт со САД и Израел, вклучувајќи дронови и авиони со посади, изјави заменик командантот на Корпусот на Исламската револуционерна гарда Мостафа Изади.
Трамп: Ми се допаѓа идејата Ормутскиот теснец да се прогласи како територија на САД
Американскиот претседател Доналд Трамп изјави дека му се допаѓа идејата Ормутскиот теснец кој се наоѓа меѓу Персискиот и Оманскиот залив да се прогласи како територија на САД, навдувајќи дека Америка веќе го контролира.