Голем помор на автохтоната македонска пастрмка „Salmo macedonicus“ во реката Треска кај Кичево. Угинувањето на рибата е забележано денеска, откако водата во реката се избистрила.
Според првичната проценка на концесионерот „Хантер Фиш“, на потег долг околу 15 километри, од игралиштето во Влазними и пречистителната станица до селото Лисичани, угинале најмалку 15 тони риба.
Од „Хантер Фиш“ предупредуваат граѓаните да не ја собираат и консумираат угинатата риба, бидејќи не е безбедна за употреба.
Како можна причина за поморот се посочуваат многу нискиот водостој на Треска и нефункционирањето на пречистителната станица во Кичево.
Слични новости
Мултифондови за похрабро инвестирање и повисоки приноси наместо укинување на вториот пензиски столб
Парите од вториот пензиски столб не се оплодуваат доволно, но решението не е во укинување на вториот столб, туку во негова реконструкција. Пензиските друштва го гледаат решението во законски измени кои ќе овозможат похрабро, но и поризично инвестирање на пензиските заштеди, кои ќе носат и повисоки приноси.
Владата го намали ДДВ-то за дизелот од 18 на 10 проценти – повластената стапка од вечерва по полноќ до полноќ на 28 септември
Владата го намалува ДДВ-то за дизелот од 18 на 10 отсто. Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за Еуросупер БС-95, односно 102,5 денари за литар Еуросупер БС-98.
Притворот за обвинетите од дискотеката Пулс истекува на 3-ти октомври
Според законот, обвинет може да биде задржан во притвор максимум една година од оценката на обвинението. За „Пулс“ тоа е 3 октомври, кога му истекува ефективниот притвор на Дејан Јованов.