Мирот во Украина може да се постигне за неколку седмици, изјави во вторникот полскиот премиер Доналд Туск по разговорите со челнциите на европските земји, Канада и НАТО.
Уверувањето на Туск доаѓа и покрај предупредувањето на Кремљ дека ќе ја заостри својата преговарачка позиција откако го обвини Киев за напад врз резиденцијата на претседателот Владимир Путин. Киев тврди дека обвинувањето е неосновано и насочено кон продолжување на конфликтот.
„Мирот е на повидок, нема сомнение дека се случија работи што даваат причина за надеж дека оваа војна може да заврши, и тоа доста брзо, но тоа сепак е надеж, далеку од 100 отсто сигурна“, рече Туск на седницата на полската влада.
„Кога велам дека мирот е на повидок, зборувам за наредните седмици а не за месеци или години. До јануари, сите треба да се собереме… за да донесеме одлуки за иднината на Украина, за иднината на овој дел од светот“, додаде полскиот премиер.
Туск рече дека безбедносните гаранции што САД му ги нудат на Киев се причина да се надева дека конфликтот наскоро ќе заврши, но и дека Киев ќе мора да се согласи на компромис кога станува збор за губењето територии.
Американскиот претседател Доналд Трамп по разговорите со украинскиот претседател Володимир Зеленски во неделата изјави дека се „сѐ поблиску, можеби и многу блиску“ до договор за завршување на војната, иако сè уште има „чувствителни прашања“.
Зеленски рече дека прашањето за контролата врз нуклеарната централа Запорожје, која е во руски раце уште од почетокот на војната, сè уште не е решено, како и судбината на Донбас во источна Украина, што е во спротивност со она што го тврди Трамп и американските преговарачи.
Русија сака Киев да се повлече од малите рабни но клучни за украинската одбрана утврдени населби од регионот Доњецк кои сѐ уште ги контролира Украина. Киев, исто така, сака борбите да престанат додека се водат преговори по сегашните линии на фронтот, а Вашингтон предлага своевидна зона на слободна трговија доколку украинските трупи се повлечат. Москва, пак, е истрајна на своето барање за целосно повлекување на украинските трупи од историската област Донбас.
Слични новости
Норвешката полиција го истражува поранешниот премиер Јагланд за врските со Епштајн
Норвешката полиција во четвртокот соопшти дека отворила истрага за „отежната корупција“ против поранешниот премиер Торбјорн Јагланд поради неговите врски со осудениот сексуален престапник Џефри Епштајн.
Обидот на Трамп да го присвои Гренланд ги сврте Ервопјаните против него
Најновата анкета што ја спроведе YouGov во данска, Германија, Франција, Италија, Шпанија и Велика Британија покажа дека Европјаните се свртеа против...
Атентат врз руски генерал во Москва
Високиот генерал во руската војска Владимир Алексеев е застрелан неколкупати и ранет во Москва. Генерал-полковникот Алексеев беше превезен во болница веднаш по нападот во станбена зграда во северозападниот дел на градот и неговата состојба е непозната.