САД и дадоа на Унгарија едногодишен исклучок од санкциите за руските енергенси

Американскиот претседател Доналд Трамп ја исклучи Унгарија од американските санкции за руските нафта и гас на една година, изјави висок американски функционер, по средбата на Трамп со Орбан во Белата куќа.

Трамп ја оправда одлуката бидејќи, како што рече, на Орбан му е многу тешко да најде нафта и гас од други извори. Тие немаат излез на море и зависни се од нафта и гас од Русија, изјави Трамп.

Изземањето на Унгарија уследи откако САД воведе санкции за двете најголеми руски државни нафтени компании „Роснефт“ и „Лукоил“ поради одбивањето на Путин да ја заврши војната во Украина.

Како дел од договорот, Унгарија се согласила да купи американски природен гас во вредност од стотици милиони долари.