Американскиот претседател Доналд Трамп најави нова, многу поостра фаза на економски притисок врз Иран која ја нарече „економски ден Д“, предупредувајќи дека ќе се соочат со сериозни последици сите држави, банки и компании кои ќе продолжат да одржуваат финансиски врски со Иран.
Трамп наведе дека Вашингтон тргнува во „најразурнувачката економска операција која било кога е спроведена против било која земја“, откако Иран не постигна договор со САД. Американските медиуми известуваат дека станува збор за нов степен на кампања чија цел е целосна економска изолација на Иран.
Најавените мерки Трамп ги опиша како економска војна и порача дека нивната цел е изолација на Иран во невидени размери.
Особено предупредување Трамп им упати на земјите кои му пружаат финансиска или трговска помош на Иран и предупреди дека тие ќе се соочат со огромни економски последици.
Новата камапања се надоврзува на постоечката американска операција „Економски бес“ насочена против иранските финансиски, нафтени и транспортни мрежи.
Според податоците на американското министерство за финансии од февруари 2025 Канцеларијата за контрола врз странскиот имот воведе санкции на повеќе од 1000 поединци, бродови и летала поврзани со Иран.
Слични новости
САД најавија драстично зголемување на царините на генеричките лекови
Белата куќа соопшти дека од први август годинава сите генерички лекови што се увезуваат во САД во наредните две години ќе бидат ослободени од царини, по што ќе следи зголемување на царините од 100 насто, а следната година од 200 насто.
Нов драстичен скок на цената на нафтата Брент
Цената на референтната нафта Брент денеска на берзите порасна за дури 3,99 насто на 94,66 долари за барел, додека американската лесна сирова нафта ВТИ скокна за 4,13 насто на 87,79 долари за барел.
Европските индекси во плус на берзите
Европските индекси на главните европски берзи денеска се главно во плус, додека експертите во Европа ги анализираат извештаите за зарботка на компанијата Рош, шпанската банка Сантандер и Телеком Австрија.