Американскиот претседател Доналд Трамп најави нова, многу поостра фаза на економски притисок врз Иран која ја нарече „економски ден Д“, предупредувајќи дека ќе се соочат со сериозни последици сите држави, банки и компании кои ќе продолжат да одржуваат финансиски врски со Иран.
Трамп наведе дека Вашингтон тргнува во „најразурнувачката економска операција која било кога е спроведена против било која земја“, откако Иран не постигна договор со САД. Американските медиуми известуваат дека станува збор за нов степен на кампања чија цел е целосна економска изолација на Иран.
Најавените мерки Трамп ги опиша како економска војна и порача дека нивната цел е изолација на Иран во невидени размери.
Особено предупредување Трамп им упати на земјите кои му пружаат финансиска или трговска помош на Иран и предупреди дека тие ќе се соочат со огромни економски последици.
Новата камапања се надоврзува на постоечката американска операција „Економски бес“ насочена против иранските финансиски, нафтени и транспортни мрежи.
Според податоците на американското министерство за финансии од февруари 2025 Канцеларијата за контрола врз странскиот имот воведе санкции на повеќе од 1000 поединци, бродови и летала поврзани со Иран.
Слични новости
Џеф Безос продава акции на Амазон вредни над 4 милијарди долари
Оснивачот на Амазон Џеф Безос им поднесе на регулаторите пријава за планирана продажба на околу 15 милиони акции на компанијата Амазон, чија пазарна вредност изнесува околу 4,1 милијарди долари.
Раст на еропските индекси, нафтата Брент на 80 долари
Европските индекси денеска се во пораст, а цената на нафтата Брент се движи околу 80 долари за барел. На пазарите владее оптимизам за скорешен договор меѓу САД и Иран.
Скок на американските берзански индекси
Најважните американски берзански индекси достигнаа нови рекорди откако американскиот министер за финансии Скот Бесент изјави дека САД и Иран би можеле наскоро да постигнат договор за повторно отварање на Ормутскиот теснец.