Претседателот на САД, Доналд Трамп, бил информиран за низа воени и тајни опции во однос на Иран, вклучувајќи можни ракетни напади, сајбер-операции и психолошки кампањи, објавија извори од Пентагон, пренесува „Би-Би-Си.
Сега според информациите националниот безбедносен тим на САД треба да одржи состанок за следните чекори, додека Трамп порача дека се разгледуваат „многу силни опции“ доколку продолжи насилството врз демонстрантите.
Во Иран, антивладините протести траат со недели поради економската криза и падот на валутата, а според организациите за човекови права, убиени се над 600 луѓе.
Иранските власти, пак, тврдат дека се подготвени за разговори со Вашингтон, но истовремено порачуваат дека се „подготвени за војна“, додека врховниот лидер Али Хамнеи ги обвини САД за мешање.
Дополнително, Трамп најави воведување царини од 25% за земјите што тргуваат со Иран, што може дополнително да ја влоши економската состојба во земјата.
Мерката, заедно со меѓународните санкции, се очекува да го зголеми притисокот врз Техеран, додека интернет-блокадата и ограничениот пристап за медиумите ја отежнуваат проверката на состојбата на терен.
Слични новости
Израелската армија навлезе во јужен Либан
Израелската војска соопшти дека почнала „целна копнена операција против клучни цели“ во јужен Либан, испраќајќи повеќе сили подлабоко во областа како дел од проширената тампон-зона
Трамп: НАТО го чека многу лоша иднина, ако не им помогне на САД во војната со Иран
Американскиот претседател Доналд Трамп предупреди дека НАТО се соочува со многу „лоша иднина“, доколку сојузниците на САД не помогнат во отворање на Ормутскиот теснец што го затвори Иран.
Гламурозното шоу Оскарите спектакл без ниту едно изненадување
Вечерта на Оскарите мина без изненадувања. Фаворитот „Една битка по друга“ освои шест Оскари меѓу кои и за филм на годината и режија. „Грешници“ кој имаше дури 16 номинации, освои вкупно 4 Оскари.