Американскиот претседател Доналд Трамп изјави дека ќе ги прекине федералните средства за градот Њујорк доколку на изборите за градоначелник победи кандидатот на демократите Зохран Мамдани.
34-годишниот Мамдани, пратеник од Квинс, во својата кампања предложи политики за подобрување на достапноста на станување и јавните услуги, вклучувајќи бесплатна дечја нега, замрзнување на кириите и бесплатни градски автобуси.
Трамп во интервјуто за ЦБС го нарече Мамдани комунист и оцени дека е многу полош од социјалист. „Ако Мамдани стане градоначелник ќе ми биде тешко да му дадам пари на Њујорк, затоа што ако имате комунист на власт, се што правите е да ги загубите парите кои таму ги испраќате“, порача Трамп.
Мамдани порача дека Њујорк и натаму ќе прима сојузни средства, затоа што е тоа законска обврска, а не работа на волјата на претседателот. Тој предупреди дека ако победи неговиот противкандидат Ендрју Куомо, тој ќе биде марионета на Трамп.
Трамп изјави дека не е „обожавател“ на Куомо, но во счучај на избор меѓу лош демократ и комунист, секогаш ќе избере лош демократ“.
Слични новости
Трамп нелегално ја испратил Националната гарда во Портланд
Одлуката на американскиот окружен судија Карин Имергут е првата што трајно го блокира користењето на воена сила од страна на Трамп за задушување на протестите против имиграциските власти.
Москва бара појаснување од САД за нуклеарните тестови
Русија во петокот ги повика САД да разјаснат, како што ги нарече, контрадикторни сигнали за продолжување на нуклеарните тестови, велејќи дека таков чекор би предизвикал сериозни реакции од Русија и други земји
Аеродромот во Лиеж повторно привремено затворен поради прелет на дрон
Аеродромот во белгискиот град Лиеж ги продолжи летовите по привременото затвореање поради забележување дрон, соопшти националната служба за контрола на воздушниот сообраќај во петокот, што е втор ваков инцидент оваа седмица