Цените на гасот се ближат кон тригодишниот максимум, додека цената на нафтата Брент надмина 84 долари по барел. На берзите завладеа страв дека војната на САД и Израел против Иран ќе трае подолго од тоа што се очекуваше.
Конфликтот влезе во шестиот ден, а Вашингтон порача дека воените акции би требало да траат 4-5 недели и дека нема да прераснат во „бесконечна војна“, како војните во Авганистан или Ирак.
Експертите сепак предупредуваат дека судирот би може да се искомпликува доколку иранскиот режим биде отпорен, а постои можност Техеран да го прошири конфликтот низ целиот регион.
Катар од понеделникот го прекина производството на течен гас, што придонесе за огромен скок на цената на гасот, а Иран го блокираше транспорот на енергентите кај Ормутскиот теснец што придонесе цената на нафтата да се зголеми за цели 10 долари по барел од почетокот на војната.
Слични новости
Министри за финансии на ЕУ предложија воведување данок на екстра профит за енергетските компании
Министрите за финансии на пет држави на Европската унија повикаа на воведување данок за вонредни профити на енергетските компании поради растот на цената на горивотот поради војната со Иран, се наведува во нивното писмо испратено до Европската унија.
Џеј Пи Морган предвидува цена на нафтата од 150 долари ако Ормутскиот теснец биде затворен до мај
Цените на нафтата би можеле да достигнат 150 долари по барел, доколку протокот на енергентите низ Ормутскиот теснец остане пореметен до средината на мај, објави банката Џеј Пи Морган.
Конфликтот во Иран го погоди снабдувањето и синџирот на исхраната
Нападите со дронови и ракети врз танкерите во Ормутскиот теснец каде што минува околу 27 насто од светскиот извоз на нафататаги вознемирија берзите. Но низ теснецот минуваат и 20-30 насто од глобалните ѓубрива, вклучувајќи амонијак, уреа, фосфати и сулфур.