Американското Федерално биро за истраги (FBI) соопшти во петокот дека спречило потенцијален терористички напад на Нова година во сојузната држава Северна Каролина.
Осумнаесетгодишен маж планирал да нападне луѓе со ножеви и чекани во продавница и ресторан за брза храна во градот Минт Хил, изјави детективот Рас Фергусон во петокот.
Прелиминарната истрага сугерира дека американскиот државјанин дејствувал сам и сега е во притвор.
Осумнаесетгодишникот се заколнал на верност на ултрарадикалната џихадистичка групација Исламска држава и признал дека сакал да убива Американци за време на новогодишната прослава, изјави агентот на FBI, Џејмс Баркал помладиот.
Белешките пронајдени кај приведениот укажуваат дека неговите главни цели биле Евреи, христијани и членови на ЛГБТ+ заедницата. Осомничениот бил радикализиран како тинејџер пред неколку години.
Американската државна обвинителка Пам Бонди претходно објави дека кон средината на декември FBI спречило терористички напади планирани за Нова година во Калифорнија.
Според податоците што ги соопшти Бонди, нападите биле планирани во Лос Анџелес и блискиот округ Оринџ. Бонди тврди дека нападите биле планирани од левичарски екстремистички, пропалестински, антивладини и антикапиталистички групи кои подготвувале серија бомбашки напади.
Слични новости
Норвешката полиција го истражува поранешниот премиер Јагланд за врските со Епштајн
Норвешката полиција во четвртокот соопшти дека отворила истрага за „отежната корупција“ против поранешниот премиер Торбјорн Јагланд поради неговите врски со осудениот сексуален престапник Џефри Епштајн.
Обидот на Трамп да го присвои Гренланд ги сврте Ервопјаните против него
Најновата анкета што ја спроведе YouGov во данска, Германија, Франција, Италија, Шпанија и Велика Британија покажа дека Европјаните се свртеа против...
Атентат врз руски генерал во Москва
Високиот генерал во руската војска Владимир Алексеев е застрелан неколкупати и ранет во Москва. Генерал-полковникот Алексеев беше превезен во болница веднаш по нападот во станбена зграда во северозападниот дел на градот и неговата состојба е непозната.