Полицијата во Берлин уапси 22-годишен Сириец за планирање терористички напади во германската престолнина, соопшти во неделата канцеларијата на државниот обвинител.
Повикувајќи се на безбедносни извори, весникот Bild објави дека 22-годишниот Абдала Р. планирал самоубиствен напад со експлозивна направа во засега непознат објект во Берлин. Тој дошол во Германија во 2023 година и побарал азил, кој му бил одбиен но имал дозвола за престој.
Полицијата пронашла материјали за изработка на експлозивна направа на три адреси каде што не бил регистриран.
Медиумските извештаи сугерираат дека тој бил член на Исламска држава. Бил уапсен во саботата попладне во населбата Нојкелн во Берлин, каде што живеат голем број луѓе од арапско потекло.
Дебатата неодамна повторно се разгоре во Германија за тоа дали мигрантите треба да се вратат во Сирија. Министерот за внатрешни работи, Александер Добриндт, е за зголемени депортации во Сирија на криминалци и оние кои, поради граѓанската војна во Сирија, уживале таканаречена супсидијарна заштита. Канцеларот Фридрих Мерц го поддржува во ова.
Сепак, министерот за надворешни работи Јохан Вадефул, по неодамнешната посета на Сирија, изјави дека поради разорувањата што го претрпе земјата во четиринаесетгодишната граѓанска војна во која се вмешаа и регионалните и светските сили, депортацијата е невозможна, што предизвика конфликт во владата.
Слични новости
Трамп нелегално ја испратил Националната гарда во Портланд
Одлуката на американскиот окружен судија Карин Имергут е првата што трајно го блокира користењето на воена сила од страна на Трамп за задушување на протестите против имиграциските власти.
Москва бара појаснување од САД за нуклеарните тестови
Русија во петокот ги повика САД да разјаснат, како што ги нарече, контрадикторни сигнали за продолжување на нуклеарните тестови, велејќи дека таков чекор би предизвикал сериозни реакции од Русија и други земји
Аеродромот во Лиеж повторно привремено затворен поради прелет на дрон
Аеродромот во белгискиот град Лиеж ги продолжи летовите по привременото затвореање поради забележување дрон, соопшти националната служба за контрола на воздушниот сообраќај во петокот, што е втор ваков инцидент оваа седмица