Цените на танспортот на течен природен гас (ТПГ – ЛНГ) преки трансатлантските рути достигнаа највисоко ниво од август 2024 година поради ограничениот капацитет и поголемата побарувачка пред зимските месеци, соопштија извори од бродарскиот сектор, пренесува Reuters.
Од почетокот на годинава цените на транспортот главно беа ниски, спуштајќи се во февруари на најниското ниво во пет години, бидејќи проширувањето на капацитетите ја надмина побарувачката.
Во јуни, пак, скокнаа на највисокото ниво во осум месец, бидејќи превозниците ставија сопирачки на изнајмувањето бродови за време на конфликтот израелско-иранскиот судир, што значеше и значително пооскудни транспортни капацитети.
Во вторникот цените за возарината на атлантската рута за пловилата со капацитет од 174.000 кубни метри ТПГ беа 61.500 долари дневно, покажаа податоците од агенцијата за проценка на цените „Spark Commodities’.
Во понеделникот тие накратко достигнаа 61.750 долари, нивното највисоко ниво од август 2024 година. Тоа значи дека пораснале за повеќе од 50 отсто од претходниот понеделник.
На пацифичката рута, пак, цените на превозот за истата класа пловила се зголемија за речиси една третина во понеделникот во споредба со почетокот на минатата седмица, достигнувајќи 42.250 долари дневно, што е највисоко ниво од крајот на јуни, покажаа податоците на агенцијата.
Скокот на цените на превозот беше поттикнат, меѓу другото, од доцнењата во истоварувањето на течен природен гас во египетските пристаништа, што индиректно влијаеше и на маршрутите на бродовите, објаснува Стивен Гордон, експерт во компанијата за собирање и анализа на податоците за пловидбите „Clarksons Research“.
Цените на превозот беа зголемени и од сезонското зголемување на побарувачката за течен природен гас пред зимата во Европа и во Јапонија.
„Комуналните претпријатија и трговците складираат залихи пред постудените месеци“, изјави за Reuters брокер за бродски превоз.
Покрај зголемените испораки од САД во Азија, со оглед на честите патувања до источните дестинации и подолгите пловидби, цените се зголемени и од проширувањето на одредени извозни проекти од САД, според Гордон.
„Се чини дека бродовите се помалку достапни на краток рок и малкумина можат да ги исполнат роковите за испорака во ноември на атлантската рута, а овие ограничувања на капацитетот би можеле да го поддржат растот на цените на краток рок и во наредниот период“, забележува аналитичарот на „Clarksons Research“.
Слични новости
САД и дадоа на Унгарија едногодишен исклучок од санкциите за руските енергенси
Трамп ја оправда одлуката бидејќи, како што рече, на Орбан му е многу тешко да најде нафта и гас од други извори. Тие немаат излез на море и зависни се од нафта и гас од Русија
DHL објави пониски приходи во третиот квартал
Логистичката компанија DHL објави пад на приходите од 2,3 отсто на 20,1 милијарди евра, поради валутните ефекти и падот на пратките во САД
„Gunvor“ ја повлекува понудата за купување на имотот на руски „Лукоил“ во странство
Мултинационалниот швајцарски трговец со енергенси „Gunvor“ соопшти дека ја повлекува својата понуда за купување на странски средства на рускиот нафтен гигант „Лукоил“ откако Министерството за финансии на САД сигнализираше дека има намера да му одбие лиценца за бизнис