Се урна американски воен авион во Ирак

Американски воен авион за полнење на гориво КС-135 се урна во западен Ирак. Четворица од шестемина членови на екипажот загинаа, а по преостанатите двајца сеуште се трага.

Иран соопшти дека авионот бил соборен од ракети испукани од нивните „фракции на отпорот“. Американската армија соопшти дека се случил инцидент „во пријателски воздушен простор“ и дека во инцидентот учествувале два авиона, од кои едниот се урнал, а другиот безбедно слетал.

Американски извори изјавија дека и вториот авион кој бил вклучен во инцидентот бил КС-135.  Исламскиот отпор во Ирак, група вооружени фракции поддржани од Иран, ја презеде одговорноста за соборувањето на американскиот воен авион.