Поранешниот извршен директор и сооснивач на Енвидија Џејсон Хуанг разговарал со блиските пријатели за можноста да се врати на чело на компанијата, само неколку дена откако поднесе оставка поради извештаите за љубовни афери, пишува „Фајненшал тајмс“.
Хуанг ја разгледува можноста да се врати во компанијата додека Управниот одбор на Енвидија спроведува независна истрага за неговото однесување кое предизвика сериозна криза во раководењето со компанијата чија пазарна вредност се проценува на 4 билиони долари.
Група раководители од Силициумската долина формира кризен штаб за да лобира за враќање на Џејсон Хуанг во Енвидија, а тие најавија дека ќе лобираат за таква одлука и во Белата куќа.
Сепак, како што пишува Фајненшал тајмс, иницијативата би можела да наиде на противење на влијателни официјални лица во Вашингтон. Американскиот министер за финансии Скот Бесент во неделата повика на „драматични промени“ во раководството на Енвидија по заминувањето на Хуанг.
Љубовната врска на првиот човек на Енвидија со Алис Хуанг, директорката на сингапурската компанија „Мегаспид“ дополнително го засили надзорот врз мерките на ускладеност на работењето на Енвидија со прописите за продажба на чипови за вештачка интелигенција на купувачите во Азија кои би можеле да имаат врска со Кина.
Слични новости
САД и Русија преговараат за враќање на американските компании на рускиот нафтен пазар
Белата куќа и Кремљ навестија дека би можел да биде обновен и заедничкиот потфат на американските и руските нафтени гиганти кај брегот на островот Сахалин на далечниот исток.
Цената на нафтата падна поради надеж за дипломатско решение меѓу САД и Иран
Цената на нафтата Брент е под 115 долари за барел, откако се обновени дипломатските настојувања за решавање на конфликтот, што ги поттикна надежите за окончување на војната меѓу САД и Иран.
Светската банка прогнозира забрзување на растот на западен Балкан
Според проекциите просечната стапка на раст во Србија, Албанија, Босна, Македонија и Црна Гора ќе достигне до 3,1 насто во 2026, што претставува зголемување од 2,6 насто колку што беше растот во 2025.


