На повеќето бензински пумпи во Македонија нема дизел гориво, а на бензинските пумпи на Лукоил доколку најдете дизел гориво, има ограничување на точење.
Компанијата „Луколил Македонија“ веќе објави известување со кое се воведува привремено ограничување на продажбата на дизел гориво – Евро дизел БС и ЕКТО дизел – за камиони, трактори и автобуси, на максимум 50 литри по возило. Мерката не се однесува на возила кои точат гориво според склучени договори со компанијата.
Македонскиот премиер Христијан Мицкоски рече дека во пограничните делови има зголемена побарувачка на граѓани од соседството затоашто во Македонија горивата се поевтини за 40-50 насто.
Премиерот порача и дека владата е подготвена да интервенира, ако поради светските случувања дојде до енормен скок на цените на горивата.
Слични новости
Радев фаворит на утрешните парламентарни избори во Бугарија, односот кон Македонија нема да се менува
Од изборите во Бугарија не се очекува никаков пресврт во однос на македонското прашање бидејќи постои консензус кај целиот политички спектар кој бара внесување на Бугарите во македонскиот Устав и спроведување на обврските од протоколите.
ДУИ: Алармантен пад на странските инвестиции
Партијата тврди дека во 2025 странските инвестиции се намалиле за 61 насто во однос на претходната година, достигнувајќи вредност од 468 милиони евра што е „еден од најслабите резултати во регионот и тежок сигнал за економијата во државата“.
Собранието ќе решава за продолжување на кризната состојба
Собранието на Република Македонија денеска треба да одлучува за продолжување на кризната состојба поврзана со снабдувањето со нафта и нафтени деривати, која би важела до 20 јули годинава.