СДСМ го обвинува премиерот Христијан Мицкоски дека панично ја брани Алта банка и бара од обвинителот Ненад Савески веднаш да постапи по кривичната пријава што партијата ја поднесе против гувернерот на Народната банка Трајко Славески.

Од СДСМ велат дека документите за влезот на Алта банка во Македонија треба да го откријат потеклото на капиталот, трансакциите и сметките, за кои партијата тврди дека се поврзани со криминални структури во Србија.

Според СДСМ, Мицкоски и Славески имале улога во влезот на банката во Македонија, а Славески јавно признал дека одлуката ја донел по консултации со премиерот.

СДСМ бара да се испита дали биле направени потребните проверки на сопственикот Давор Мацура, потеклото на капиталот и можните ризици.

Од обвинителот Савески бараат да преземе мерки на претпазливост, вклучително и привремена забрана за вршење на должноста на Славески, со цел да се спречи евентуално влијание врз сведоци или уништување докази и документација.

Слични новости

Јавниот обвинител Савески не открива дали е отворена предистражна постапка за Алта банка

Јавниот обвинител Савески не открива дали е отворена предистражна постапка за Алта банка

Јавното обвинителство постапува во секоја ситуација кога ќе утврди постоење на кривично-правен настан, изјави јавниот обвинител Ненад Савески, но нагласи дека не може да открива дали во случајот со Алта банка е отворена предистражна постапка, бидејќи, како што рече, тоа е тајна согласно закон.

Искра Хаџи Василева ја презема функцијата шефица на ОЈО ГОКК

Искра Хаџи Василева ја презема функцијата шефица на ОЈО ГОКК

Новоизбраната шефица на Основното јавно обвинителство за гонење на организиран криминал и корупција – Скопје, Искра Хаџи Василева, денеска треба да даде свечена изјава пред Советот на јавните обвинители, со што официјално ќе стапи на функцијата.

Во Основниот кривичен суд денеска судски процес за случајот „Државна лотарија“

Во Основниот кривичен суд денеска судски процес за случајот „Државна лотарија“

Во Основниот кривичен суд во Скопје денеска продолжува судскиот процес за случајот „Државна лотарија“, во кој се обвинети поранешниот прв вицепремиер Артан Груби, поранешниот директор на Државна лотарија Перпарим Бајрами и уште шест лица.