Од СДСМ тврдат дека со влезот на „Алта банка“ во македонскиот финансиски систем се отвора можност за ризик на средствата на јавните претпријатија и граѓаните. Според нив, Мицкоски ја внел во земјава финансиската мрежа поврзана со српскиот претседател Александар Вучиќ.
Опозициската партија бара обвинителството да го истражи случајот и порачува дека одговорност мора да има за сите инволвирани, вклучително и за оние кои евентуално би се обиделе да го прикријат случајот.
Од опозициската партија го критикуваат и обвинителот Савески, за кого тврдат дека не постапува самостојно, туку чека политички насоки од премиерот и реагира по јавни барања и политички притисоци.
СДСМ во своите обвинувања се повикува и на случувањата поврзани со „Алта банка“ во Србија и Црна Гора, наведувајќи дека во овие земји имало санкции, одбивање на дозволи и истраги поврзани со финансиското работење на банката. Партијата отвора и прашања за потеклото на капиталот, поврзаноста со лица од криминалното подземје и наводните врски со српски политички и безбедносни структури.
Од СДСМ обвинуваат дека премиерот Христијан Мицкоски вршел притисок врз гувернерот на Народната банка, Трајко Славески, во врска со издавањето дозвола за работа на „Алта банка“. Од партијата бараат Славески да го пријави наводниот притисок, предупредувајќи дека во спротивно и самиот може да се соочи со одговорност.
Слични новости
Полицијата спроведува обемна акција за сузбивање финансиски криминал во здравството
Полицијата врши претреси на повеќе од 10 локации во Скопје, Тетово и Куманово во рамки на истрага за сомневања за финансиски криминал поврзан со приватна здравствена установа и вработени во Фондот за здравствено осигурување.
ЦГК објави дека во 2025 за локални тендери биле потрошени рекордни 356 милиони евра
Вредноста на општинските тендери во изборната 2025 година се зголемила речиси двојно во однос на претходната година и изнесувала колку во претходните две години заедно.
АХВ пронајде небезбедно месо во Радовиш и Пепелиште одземени околу два тона кои ќе бидат уништени
Одземените производи се без декларација за потеклото и биле чувани и преработувани во несоодветни и нехигиенски услови, што претставува сериозен ризик за безбедноста на храната и здравјето на потрошувачите.