Од СДСМ тврдат дека со влезот на „Алта банка“ во македонскиот финансиски систем се отвора можност за ризик на средствата на јавните претпријатија и граѓаните. Според нив, Мицкоски ја внел во земјава финансиската мрежа поврзана со српскиот претседател Александар Вучиќ.
Опозициската партија бара обвинителството да го истражи случајот и порачува дека одговорност мора да има за сите инволвирани, вклучително и за оние кои евентуално би се обиделе да го прикријат случајот.
Од опозициската партија го критикуваат и обвинителот Савески, за кого тврдат дека не постапува самостојно, туку чека политички насоки од премиерот и реагира по јавни барања и политички притисоци.
СДСМ во своите обвинувања се повикува и на случувањата поврзани со „Алта банка“ во Србија и Црна Гора, наведувајќи дека во овие земји имало санкции, одбивање на дозволи и истраги поврзани со финансиското работење на банката. Партијата отвора и прашања за потеклото на капиталот, поврзаноста со лица од криминалното подземје и наводните врски со српски политички и безбедносни структури.
Од СДСМ обвинуваат дека премиерот Христијан Мицкоски вршел притисок врз гувернерот на Народната банка, Трајко Славески, во врска со издавањето дозвола за работа на „Алта банка“. Од партијата бараат Славески да го пријави наводниот притисок, предупредувајќи дека во спротивно и самиот може да се соочи со одговорност.
Слични новости
Аркин Јахији од ДУИ е новиот градоначалник на Брвеница
Аркин Јахији од Националната алијанса за интеграција (НАИ), предводена од ДУИ, е победник на вториот круг од предвремените локални избори за градоначалник на Општина Брвеница.
Граѓани во Битола утрово бараат да влезат во Алта банка -сакаат да си ги подигнат парите
Утрово во Битола граѓани во редици чекаат да влезат во „Алта Банка“ и да си ги подигнат средствата. Инсистираат да влезат во банката и не ја прифаќаат одлуката на Народна Банка дека смеат да подигнат само 10.000 недело.
НБРМ влезе со администратор во Алта Банка, за граѓаните максимум 10 илјади денари неделно од сметка за да преживеат
Народната Банка на Македонија од вчера попладне го презеде управувањето со Алта Банка Битола, постави тројца администратори и воведе ограничувања за граѓаните клиенти кои од утре ќе имаат на располагање 10 илјади денари неделно односно 40 илјади денари месечно