Од СДСМ тврдат дека со влезот на „Алта банка“ во македонскиот финансиски систем се отвора можност за ризик на средствата на јавните претпријатија и граѓаните. Според нив, Мицкоски ја внел во земјава финансиската мрежа поврзана со српскиот претседател Александар Вучиќ.
Опозициската партија бара обвинителството да го истражи случајот и порачува дека одговорност мора да има за сите инволвирани, вклучително и за оние кои евентуално би се обиделе да го прикријат случајот.
Од опозициската партија го критикуваат и обвинителот Савески, за кого тврдат дека не постапува самостојно, туку чека политички насоки од премиерот и реагира по јавни барања и политички притисоци.
СДСМ во своите обвинувања се повикува и на случувањата поврзани со „Алта банка“ во Србија и Црна Гора, наведувајќи дека во овие земји имало санкции, одбивање на дозволи и истраги поврзани со финансиското работење на банката. Партијата отвора и прашања за потеклото на капиталот, поврзаноста со лица од криминалното подземје и наводните врски со српски политички и безбедносни структури.
Од СДСМ обвинуваат дека премиерот Христијан Мицкоски вршел притисок врз гувернерот на Народната банка, Трајко Славески, во врска со издавањето дозвола за работа на „Алта банка“. Од партијата бараат Славески да го пријави наводниот притисок, предупредувајќи дека во спротивно и самиот може да се соочи со одговорност.
Слични новости
СДСМ: Народот гледа што договори Муцунски во Софија
СДСМ побара итна оставка од Тошковски, наведувајќи дека тој треба да понесе одговорност поради низата скандали. Од партијата бараат да се утврди кој сè е вмешан во случајот и сите одговорни да сносат последици.
Бугарските политички партии во одбрана на Ива Михајлова
Важно е таа да добие можност за соодветно лекување во Бугарија, и тоа што е можно поскоро – изјави Петрова. Таа оцени дека станува збор за хуманитарен случај за кој, според неа, во Македонија немало соодветна реакција, поради што биле преземени „очајнички чекори“
Платформата 12.05 бара оставка од министрите за внатрешни, за надворешни работи и за правда поради беството на Ива Михајлова во Бугарија
Владата на Мицкоски и на ВМРО-ДПМНЕ е должна веднаш да одговори дали на средбата Муцунски-Чамова во Софија е договорено бегството на Ива Михајлова, кое во Македонија ќе биде иницијална каписла за предвремени парламентарни избори, се наведува во реакцијата на Платформата.