Санчез: Инвазија на САД на Гренланд би го направила Путин најсреќен човек на планетата

 „Ако се фокусираме на Гренланд, мора да кажам дека евентуална американска инвазија на таа територија би го направила Владимир Путин најсреќен човек на планетата. Зошто? – Затоа што ќе даде легитимитет на неговиот обид за инвазија на Украина“, одговори Санчез во интервју за весникот „Ла Вангардиа“.

 Американскиот претседател Доналд Трамп во саботата се чини дека го заостри ставот кон Гренланд, заканувајќи се со зголемување на царините за европските сојузници додека не се дозволи на САД да го купат островот.

Во објава на платформата „Трут Сошл“, Трамп наведе дека дополнителните царини од 10 отсто ќе стапат на сила на 1 февруари за сета стока од Данска, од Норвешка, од Франција, од Германија. од Шведска, од Велика Британија, од Холандија и од Финска. Според него, царините ќе се зголемат на 25 отсто од 1 јули и ќе останат на сила сè додека САД не го купат Гренланд.