Американската морнарица тврди дека ја пробива блокадата во Ормутскиот теснец. Американската војска соопшти дека уништила шест ирански мали борбени бродови и пресретнала крстосувачки ракети и дронови, кои биле испукани од чуварите на исламската револуција.
Според наводите на американската централна команда, ракетите и беспилотните летала биле насочени кон бродовите што ги штитела американската морнарица за време на обидот да се обнови пловидбата низ Ормутскиот теснец.
Адмирал Бред Купер, командантот на централната команда на САД изјави дека американските сили ја победија секоја заканаи дека командантите на терен добиле овластувања да ги бранат американските единици и комерцијалната пловидба.
Тој наведе дека во операцијата учествуваат 15.000 војници, разурнувачи на американската морнарица, повеќе од 100 авиони и подводни средства.
Иранската страна ги негира тврдењата на Вашингтон. Револуционерната гарда соопшти дека комерцијални бродови не го минале Ормутскиот теснец во последните часови и дека американските тврдења не се точни. Иранските државни медиуми, исто така негираа дека се потопени ирански бродови.
Иранскиот министер за надворешни работи Абас Арагчи порача дека настаните во Ормутскиот теснец покажуваат дека политичката криза не може да се реши со воена акција. Тој наведе дека преговорите, со посредување на пакистан, добро напредуваат и ги предупреди Вашингтон и Абу Даби да не дозволат повторно да бидат вовлечени во отворена војна.
Слични новости
Иран бара воена отштета и повлекување на американските трупи во новиот мировен предлог од шест точки до САД
Овие барања на Иран не се разликуваат многу од претходната понуда, што Доналд Трамп ја опиша како „ѓубре“ и неприфатлива.
Путин пристигнува во Пекинг на средба со Си, само неколку денови по Трамп
Кина е убедливо најголемиот трговски партнер на Русија, додека пак во исто време значителното руско природно богатство е неопходно за незаситната кинеска индустрија.
Европскиот систем за влез и излез одбил 32.000 патници
Биометрискиот систем на ЕУ одбил влез на 32.000 патници. Oдбивањата се евидентирани во повеќе земји, вклучувајќи ги Португалија, Шпанија, Франција, Италија, Германија, Грција и Холандија, од каде најмногу влегуваат патници надвор од Шенген зоната.