Администрацијата на американскиот претседател Доналд Трамп му понуди на Иран план за прекин на огнот од 15 точки.
Планот му беше доставен на Иран од посредници од Пакистан, кои понудија да бидат домаќини на обновени преговори меѓу Вашингтон и Техеран.
Меѓу 15-те точки, првите пет се однесуваат на нуклеарниот сектор. Вашингтон бара Иран никогаш да не се обидува да се здобие со нуклеарно оружје, да го предаде целото збогатено нуклеарно гориво на датум утврден од страните, како и да бидат демонтирани неколку клучни нуклеарни објекти и инсталации.
Иран ќе треба исто така да се откаже од поддршката за групи и да престане да финансира или вооружува организации како Хезболах или Хамас.
Предвидени се и ограничувања за бројот на ракети со кои земјата може да располага, како и за нивниот дострел.
Дополнително, Ормускиот Теснец низ кој минуваат околу 20 проценти од светските испораки на фосилни горива, ќе мора да остане отворен за пловидба.
Во меѓувреме, американската војска се подготвува да распореди најмалку 1.000 војници на Блискиот Исток во наредните денови, војниците би ги надополниле околу 50.000 војници што веќе се наоѓаат во регионот.
Слични новости
Шпанија, Словенија и Ирска бараат суспензија на спогодбата меѓу ЕУ и Израел
Шпанија, Словенија и Ирска побараа Европската унија да ја суспендира спогодбата со Израел за придружување, изјави шпанскиот министер за надворешни работи Хосе Мануел Албарес.
Иран не испрати преговарачи во Пакистан: „Не разговараме под закани“
Иранската државна телевизија објави дека делегацијата на Иран не отпатувала во Пакистан на мировни преговори со САД, негирајќи ги извештаите на меѓународните медиуми за заминувањето на иранските претставници во Исламабад и закажаните датуми на разговорите меѓу САД и Иран.
Царините на САД паднаа на суд, Америка враќа 166 милијарди долари
Администрацијата на Доналд Трамп почна да прима барања од компании за враќање на повеќе од 166 милијарди долари наплатени царини, откако Врховниот суд на САД пресуди дека претседателот немал законско овластување да ги воведе преку вонредните економски овластувања.