САД ја одобрија продажбата на 500 ракети-пресретнувачи „Патриот“ (PAC-3) за Украина, во вредност од 2,1 милијарди долари, во момент кога земјата се соочува со засилени руски воздушни напади. Сепак, украинскиот претседател Володимир Зеленски предупреди дека за испораката на ракетите би можеле да бидат потребни и неколку години.
Американскиот Стејт департмент соопшти дека набавката целосно ќе биде финансирана од европските сојузници на Украина и Канада, без користење американски средства.
Плаќањето ќе се реализира преку донации од Канада, Германија и Норвешка, програмата JUMPSTART, како и национални средства финансирани преку заемот на Европската Унија за поддршка на Украина.
Главен изведувач на договорот ќе биде американската компанија „Локхид Мартин“. Од Стејт департментот оценуваат дека продажбата ќе придонесе за остварување на американските надворешнополитички и безбедносни цели, преку зајакнување на одбраната на Украина и стабилноста во Европа.
Зеленски ја поздрави одлуката на Вашингтон, но порача дека на Украина ѝ се потребни ракетите веднаш, а не по неколку години. Тој повторно побара од САД да ја забрзаат испораката на противвоздушните системи, кои се меѓу ретките ефикасни средства за пресретнување на руските балистички ракети.
Слични новости
Обама по победата на Демократите: Американскиот народ испрати јасна порака
Поранешниот претседател на САД Барак Обама денеска изјави дека американскиот народ со гласањето порача дека сака политика која ги спојува, а не ги дели луѓето.
Трамп по изборниот дебакл објави фотографија со капче на кое пишува Вето
Трамп порача дека ги признава изборните резултатите и дека е подготвен на соработка со Демократите, но и се закани дека ќе ја користи можноста на претседателското вето за да ги блокира нивните закони и одлуки.
Плаво цунами на изборите во САД Демократите освоија мнозинство и во Конгресот и во Сенатот
Претседателот Доналд Трамп и лидер на МАГА движењето на својата социјална мрежа го призна изборниот пораз, а за тоа го обвини слабиот одзив на републиканските изборачи.