САД ја одобрија продажбата на 500 ракети-пресретнувачи „Патриот“ (PAC-3) за Украина, во вредност од 2,1 милијарди долари, во момент кога земјата се соочува со засилени руски воздушни напади. Сепак, украинскиот претседател Володимир Зеленски предупреди дека за испораката на ракетите би можеле да бидат потребни и неколку години.
Американскиот Стејт департмент соопшти дека набавката целосно ќе биде финансирана од европските сојузници на Украина и Канада, без користење американски средства.
Плаќањето ќе се реализира преку донации од Канада, Германија и Норвешка, програмата JUMPSTART, како и национални средства финансирани преку заемот на Европската Унија за поддршка на Украина.
Главен изведувач на договорот ќе биде американската компанија „Локхид Мартин“. Од Стејт департментот оценуваат дека продажбата ќе придонесе за остварување на американските надворешнополитички и безбедносни цели, преку зајакнување на одбраната на Украина и стабилноста во Европа.
Зеленски ја поздрави одлуката на Вашингтон, но порача дека на Украина ѝ се потребни ракетите веднаш, а не по неколку години. Тој повторно побара од САД да ја забрзаат испораката на противвоздушните системи, кои се меѓу ретките ефикасни средства за пресретнување на руските балистички ракети.
Слични новости
Загрозено местото на Пит Хегсет како шеф на Пентагон
Американскиот претседател Доналд Трамп се консултирал со своите советници дали министерот за одрана Пит Хегсет би требало да остане на својата функција секретар за одбрана, по убедливиот пораз на Републиканците на изборите за Конгресот.
Илјадници луѓе на улиците на француските градови, полицијата предупредува на сериозни нереди
Илјадници луѓе започнаа протестни маршеви во неколку француски градови меѓу кои се Кан, Лион, Марсеј и Нант, додека во главниот град Париз се најавени сериозни нереди.
Демократското „Цунами“ го преплави американскиот Конгресот, почеток на крајот на „МАГА“
Изборите за Конгресот во САД се претворија во референдум за и против Доналд Трамп, на кои актуелниот американски претседател претрпе огромен пораз, многу поубедлив од најоптимистичните проекции на Демократите.