Канада остро реагираше на наводите за контакти на сепаратистите од државата Алберта со администрацијата на САД, порачувајќи дека очекуваат Вашингтон да го почитува нејзиниот суверенитет и територијален интегритет.
Повод за реакцијата на официјална Отава се извештаите дека претставниците на сепаратистичкото движење од Алберта преговараат со американски официјални лица за финансиска поткрепа од 500 милијарди долари за отцепување на Алебрта од Канада.
Според проценките на експертите, овкави потези носат ризик од длабока политичка криза и можен колапс на Канада како единствена држава.
Претставниците на сепаратистичката „Проект за просперитет на Алберта“ која ја предводи Џефри Рат, најмаку во три наврати престојуваа во Вашингтон, каде што имаа средби со членови на американската администрација.
Изјавите на некои американски официјални претставници, дополнително ги разгоруваат тензиите.
Министерот за финансии на САД Скот Бесент изјави дека на Алебрта треба да и се дозволи да се приклучи на САД, оценувајќи ја оваа канадска провинција како „природен партнер“ на Вашингтон, поради богатите природни ресурси и како што рече, независниот дух на нејзините жители.
Слични новости
„Вашингтон пост“ отпушти повеќе од 300 новинари
Компанијата отпушти околу 30 отсто од сите свои вработени, вклучително и повеќе од 300 од околу 800 новинари во редакцијата.
Од разговорите за мир во Украина, засега само договор за размена на заробеници
Американскиот претседателски претставник Стив Виткоф изјави дека САД, Украина и Русија на разговорите во Абу Даби се согласиле да разменат 314 заробеници во „првата таква размена за пет месеци“.
Путин и Си Џинпинг разговараа за зајакнување на соработката меѓу Русија и Кина
Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.