Третиот танкер со руски дизел го смени курсот и се откажа од пловидбата кон САД, со што е доведено во прашање испораката на горивото договорена меѓу претседателите на САД и Русија Доналд Трамп и Владимир Путин.
Танкерот „Агиои Фернандес“ кој превезува околу 40.000 тони дизел, го смени курсот на околу 740 километри од американскиот брег, објави Блумберг.
Танкерот кон крајот на октомври исплови од руското пристаниште Приморск на Балтичкото море, а како дестинација му беше одреден Њујорк. За време на пловидбата дестинацијата му е променета и сеуште чека инструкции кон кое пристаниште да вплови.
И претходните два танкера од вкупно договорените три танкери со руски дизел за Америка го променија курсот и ниту една пратка со руски дизел не вплови во некое американско пристаниште.
Трамп, по телефонски разговор со Путин на 9-ти октомври изјави дека Русија се согласила да испорача повеќе од 300.000 тони дизел за САД.
Слични новости
Нафтата Брент 96 долари, европските берзи во благ плус
Цената на референтната нафта Брент денеска во 09 и 30 падна на светските берзи за 1,72 насто на 96 долари, додека американската лесна нафта ВТИ падна за 1,21 насто на 89,7 долари за барел.
Јапонија: Голема хаварија парализираше 128 банки, клиентите отсечени од сметките
Проблеми со работата во опремата погодија 128 јапонски кредитни институции познати како шинкин банки, поради што клиентите не можат да ги вршат трансакциите на шалтерите и банкоматите.
Европа со рекордна брзина ги троши залихите на гас
Европските складишта за гас влегоа во новата сезона на потрошувачка со историски ниска пополнетост од 74,9 насто, додека германските резерви изнесуваа само 61,6 насто, што претставува историски минимум.


