Третиот танкер со руски дизел го смени курсот и се откажа од пловидбата кон САД, со што е доведено во прашање испораката на горивото договорена меѓу претседателите на САД и Русија Доналд Трамп и Владимир Путин.

Танкерот „Агиои Фернандес“ кој превезува околу 40.000 тони дизел, го смени курсот на околу 740 километри од американскиот брег, објави Блумберг.

Танкерот кон крајот на октомври исплови од руското пристаниште Приморск на Балтичкото море, а како дестинација му беше одреден Њујорк. За време на пловидбата дестинацијата му е променета и сеуште чека инструкции кон кое пристаниште да вплови.

И претходните два танкера од вкупно договорените три танкери со руски дизел за Америка го променија курсот и ниту една пратка со руски дизел не вплови во некое американско пристаниште.

Трамп, по телефонски разговор со Путин на 9-ти октомври изјави дека Русија се согласила да испорача повеќе од 300.000 тони дизел за САД.

Слични новости

Трамп: Дивидендите на Американците ќе им бидат исплатени и покрај критиките на демократите

Американскиот претседател Доналд Трамп изјави дека ќе дојде до најавената исплата на дивиденди во вредност од 5.000 долари на секој американски полнолетен граѓанин, доколку Републиканската партија победи на претстојните меѓуизбори.

Нафтата поевтини поради очекувања на преговори меѓу Иран и земјите од Персискиот залив

Нафтата поевтини поради очекувања на преговори меѓу Иран и земјите од Персискиот залив

Цената на сировата нафта Брент падна под 105 долари за барел, додека американската лесна сирова нафта ВТИ падна на под 100 долари за барел, откако иранските државни медиуми објавија дека се планираат разговори со земјите од Персискиот залив во Оман.

Европската централна банка би можела повторно да ги качи каматите во октомври

Европската централна банка би можела повторно да ги качи каматите во октомври

Официјални претставници на Европската централна банка очекуваат натамошно зголемување на каматните стапки, при што новото зголемување би можело да се очекува уште наредниот месец, додека инфлацијата која и натаму изнесува над 3 насто и натаму претставува причина за заострување на монетарната политика.