Резултатите од форензичкиот преглед на телото на норвешкиот биатлонец, 27-годишниот Сиверт Гуторм Бакен, пронајден мртов во хотелска соба во Италија на 23-ти декември, ќе бидат објавени најдоцна до март, објави адвокатот на семејството во вторникот.
Норвешкиот биатлонец беше пронајден мртов во неговата хотелска соба во Лавазе на италијанските Алпи, каде што бепе на тренинг-камп, по што италијанската полиција започна истрага за да ја утврди причината за неговата смрт.
„Форензичките испитувања беа спроведени минатиот викенд. Сè уште не се извлечени заклучоци од овие испитувања, кои ќе продолжат на почетокот на следната година“, соопшти адвокатската канцеларија „Elden Advokatfirma“, која го застапува семејството на биатлонецот.
„Италијанското јавно обвинителство им даде рок на форензичките патолози до 7-ти март да ги завршат испитувањата и да го достават својот извештај“, се додава во соопштението.
Норвешката федерација за биатлон потврди дека Сиверт Бакен носел висинска маска кога бил пронајден, но посочи дека нема информации за околностите за набавката и употребата на маската.
„Во оваа фаза од истрагата, нема докази што сугерираат или негираат дека смртта е поврзана со употребата на таканаречена опрема за ‘симулиран висински тренинг’“, напиша претставник на семејството.
Бакен имаше 31 настап на Светските првенства во текот на својата кариера, а единствената индивидуална победа ја имаше во Холменколен во 2022 година.
На Бакен му беше дијагностициран миокардитис во 2022 година, поради што ја пропушти сезоната 2022/23. Им се врати на натпреварувањата во ноември 2024 година, 984 дена по победата во Холменколен.
Слични новости
Спалети не губи надеж дека Јувентус ќе се пласира во осминафиналето на ЛШ и покрај петте гола што ги прими од Галатасарај
Јувентус синоќа по првото полувреме водеше против Галатасарај со 2:1 со головите на Копмејнерс, но на крајот загуби со 5:2, а од 67 минута остана и со играч помалку.
Винисиус и Мбапе тврдат дека Престијани од Бенфика го навредувал Винисиус на расна основа
Тврдењата на Винисиус ги потврди и Килијан Мбапе кој го нарече Престијани расист. „Играчот на Бенфика со број 25 чие име не сакам ни да го спомнам го стави дресот преку уста и дури пет пати му довикуваше на Винисиус дека е „мајмун“.
Чаби Алонсо ја одби понудата на Олимпик Марсеј да седне на тренерската клупа
Спортските медиуми пишуваат дека Алонсо го чека расплетот на ситуацијата со Арне Слот во Ливерпул, од кого доби повик уште кога Јирген Клоп го напушти „Енфилд“.