Реал Мадрид ја отфрли можноста за позајмица на 18-годишниот аргентински играч од средниот ред Франко Мастантуоно, за кој беше заинтересиран Наполи, објавија италијанските медиуми.
Наполи има проблеми во средниот ред, бидејќи Кевин Де Брујне, Андре Франк Замбо Ангиса и Били Гилмор се повредени. Затоа италијанскиот шампион му пристапи на Реал Мадрид со можност за позајмица на аргентинскиот фудбалер до крајот на оваа сезона.
Реал Мадрид одговори негативно, што беше очекувано, бидејќи ова лето шпанскиот клуб водеше жестока битка со ПСЖ за потписот на еден од најталентираните млади фудбалери во светот. На крајот, Мастантуоно одлучи да ја продолжи кариерата во „Кралскиот клуб“, кој му плати на Ривер Плата 60 милиони евра отштета за него.
Аргентинскиот играч од средниот ред постигна еден гол и имаше една асистенција во 14 настапи за Реал. Неговата адаптација во европскиот фудбал беше малку забавена од повредата на препоните на почетокот на ноември. Одигра само една минута во последните пет натпревари во шпанското првенство.
Слични новости
Крај на сезоната за Џејми Гитенс од Челси
Фудбалерот на Челси Џејми Гитенс ќе отсуствува подолго време од терените поради повреда на бутниот мускул, соопшти денеска лондонскиот клуб.
Ивица Зубац трејдуван од Клиперси за Индијана
Хрватскиот центар Ивица Зубац на последниот ден од трејдот во НБА лигата беше разменет од Клиперси во Индијана. Клиперси за Зубац ги добија Ајзеа Џексон и Бенедикт Матурин како и два пика од првата рунда на драфтот.
Пејтон Вотсон најновиот повреден кај Денвер Нагетс
Пејтон Вотсон има повреда на задната ложа и не е познато колку ќе отсуствува од теренот. Поради истата повреда Арон Гордон не игра веќе со месеци.