Договорот за прекин на огнот меѓу САД и Иран, кој требаше да овозможи 60 дневен временски период за постигнување конечен мировен договор истече денеска, без шанси за негово продолжување.
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец, низ кој пред да почне американско -израелската војна против Иран, минуваше околу 20 проценти од светската нафта.
Претседателот на САД, Доналд Трамп, кој неодамна изрази и желба да го прогласи теснецот за американска територија, и натаму инсистира дека Соединетите држави се тие кои всушност ја контролираат виталната нафтена рута.
Ако ги погледнете бројките што ги постигнуваме, теснецот е отворен, а цените на нафтата се намалуваат и ќе продолжат да се намалуваат, освен ако не одлучиме да преземеме нешто многу подрастично од она што го правиме сега“– рече американскиот претседател, Доналд Трамп.
Тврдењето на Трамп дека цените на нафтата се намалени веднаш го демантираа светските берзи, каде денеска цената на глобалниот стандард – нафтата „Брент“ се искачи на 91 долар, што е највисоко ниво од јули.
Иран пак порача дека Ормутскиот теснец нема да биде отворен се додека САД не ги исполнат условите од договорот.
Од друга страна Техеран е блиску до постигнување договор со Оман, што го разлути Доналд Трамп кој и се закани на земјата која важи за традиционален сојузник на САД дека жестоко ќе ја бомбардира, ако САД не бидат задоволни од дговорот меѓу Иран и Оман.
Слични новости
Цената на нафтата повторно расте
Цената на нафтата Брент денеска повторно порасна на светските берзи, откако Иран ги отфрли тврдењата на официјален Вашингтон дека се наближува договор за окончување на војната на Блискиот исток и повторно отварање на Ормутскиот теснец.
На Халкидики воведена забрана за сообраќај и пешачење во шумските подрачја поради опасност од пожари
Мерката е во сила од 08 до 20 часот и се однесува на подрачја во Касандра, Ситониа и општината Аристотелис каде што индексот на опасност од пожар е во категоријата 3, пишуваат грчките медиуми.
Моџтаба Хамнеи би можел да почине во секој момент, тврдат ирански медиуми
Иранскиот Врховен верски лидер, ајатолахот Моџтаба Хамнеи е во исклучително критична состојба и би можел да почине во секој момент, пренесува порталот IranWire, повикувајќи се на два блиски извора со администрацијата на претседателот Масуд Пезешкијан.