Договорот за прекин на огнот меѓу САД и Иран, кој требаше да овозможи 60 дневен временски период за постигнување конечен мировен договор истече денеска, без шанси за негово продолжување.
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец, низ кој пред да почне американско -израелската војна против Иран, минуваше околу 20 проценти од светската нафта.
Претседателот на САД, Доналд Трамп, кој неодамна изрази и желба да го прогласи теснецот за американска територија, и натаму инсистира дека Соединетите држави се тие кои всушност ја контролираат виталната нафтена рута.
Ако ги погледнете бројките што ги постигнуваме, теснецот е отворен, а цените на нафтата се намалуваат и ќе продолжат да се намалуваат, освен ако не одлучиме да преземеме нешто многу подрастично од она што го правиме сега“– рече американскиот претседател, Доналд Трамп.
Тврдењето на Трамп дека цените на нафтата се намалени веднаш го демантираа светските берзи, каде денеска цената на глобалниот стандард – нафтата „Брент“ се искачи на 91 долар, што е највисоко ниво од јули.
Иран пак порача дека Ормутскиот теснец нема да биде отворен се додека САД не ги исполнат условите од договорот.
Од друга страна Техеран е блиску до постигнување договор со Оман, што го разлути Доналд Трамп кој и се закани на земјата која важи за традиционален сојузник на САД дека жестоко ќе ја бомбардира, ако САД не бидат задоволни од дговорот меѓу Иран и Оман.
Слични новости
Рубио до сојузниците: САД во моментов не планираат нови удари врз Иран
Американскиот државен секретар Марко Рубио ги извести сојузниците на САД дека Вашингтон во овој момент не планира нови напади врз Иран и дека наместо кон воена акција ќе се насочи кон заострување на санкциите и други облици на притисок врз Техеран.
Хегсет: Освен санкциите САД не ја исклучуваат и употребата на воена сила против Иран
Американскиот министер за одбрана Пит Хегсет изјави дека американската администрација не ја исклучува употребата на воена сила против Иран, иако официјален Вашингтон воведе ригорозни санкции против Иран.
Трамп се заканува, а Карни оцени дека САД сакаат да ја потчинат Канада
Американскиот претседател Доналд Трамп им порача на канадските лидери „да се повинуваат или ќе се соочат со последици кои ќе бидат многу полоши од царините“.