Договорот за прекин на огнот меѓу САД и Иран, кој требаше да овозможи 60 дневен временски период за постигнување конечен мировен договор истече денеска, без шанси за негово продолжување.
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец, низ кој пред да почне американско -израелската војна против Иран, минуваше околу 20 проценти од светската нафта.
Претседателот на САД, Доналд Трамп, кој неодамна изрази и желба да го прогласи теснецот за американска територија, и натаму инсистира дека Соединетите држави се тие кои всушност ја контролираат виталната нафтена рута.
Ако ги погледнете бројките што ги постигнуваме, теснецот е отворен, а цените на нафтата се намалуваат и ќе продолжат да се намалуваат, освен ако не одлучиме да преземеме нешто многу подрастично од она што го правиме сега“– рече американскиот претседател, Доналд Трамп.
Тврдењето на Трамп дека цените на нафтата се намалени веднаш го демантираа светските берзи, каде денеска цената на глобалниот стандард – нафтата „Брент“ се искачи на 91 долар, што е највисоко ниво од јули.
Иран пак порача дека Ормутскиот теснец нема да биде отворен се додека САД не ги исполнат условите од договорот.
Од друга страна Техеран е блиску до постигнување договор со Оман, што го разлути Доналд Трамп кој и се закани на земјата која важи за традиционален сојузник на САД дека жестоко ќе ја бомбардира, ако САД не бидат задоволни од дговорот меѓу Иран и Оман.
Слични новости
Нова ескалација на Блискиот исток: Хутите ја нападнаа саудсика Арабија повредени најмалку 73 лица
Милитанатата група Хути од Јемен изведе напади врз Саудиска Арабија во кои најмалку 73 лица се повредени. Нападите биле извршени врз цивилни и економски објекти во најголемиот светски извозник на нафта, соопшти коалицијата на земји кои ја поддржуваат Саудиска Арабија.
Канада одговори на царините на Трамп: Нови такси на 700 американски производи
Канада денеска им воведе царини на САД кои се однесуваат на увоз на американски стоки во вредност од околу 20 милијарди долари, соопшти канадското министерство за финансии.
Виткоф: Постигнат значаен напредок во преговорите за Украина
Витков наведе дека разговорите на американската делегација во Киев биле одржани во две рунди. Во втората рунда разговори на преговарачите им се придружиле советниците за национална безбедност на Британија, Франција и Германија, за да бидат усогласени наредните заеднички активности.