Рускиот претседател Владимир Путин и кинескиот претседател Си Џинпинг денеска преку видео повик разговараа за понатамошно зајакнување на соработката меѓу нивните земји.
Путин го нарече Си „драг пријател“ и му посака мир и просперитет на народот на Кина, нагласувајќи го пријателскиот однос меѓу двете земји. Рускиот претседател нагласи дека односите меѓу Русија и Кина се развиваат силно и прогресивно во сите области, без оглед на меѓународната ситуација.
Зборувајќи за трговската соработка, Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Путин, исто така, му се заблагодари на Си за воведувањето безвизен режим за руските граѓани и го пофали претседателството на Кина со Шангајскатаорганизација за соработка (ШОС), кое, според него, донесе значајни резултати.
Рускиот претседател истакна дека Русија и Кина достоинствено ја прославија 80-годишнината од победата во Втората светска војна во Москва и Пекинг и додаде дека руско-кинескиот тандем игра клучна улога на меѓународни платформи како што се ОН, БРИКС и ШОС.
Путин заклучи дека Русија е подготвена да продолжи со најтесната координација со Кина по глобалните и регионалните прашања, нагласувајќи дека кинескиот народ е пријателски расположен и дека сеопфатното партнерство на двете земји е модел на стратешка соработка.
Слични новости
Фон дер Лајен : Европката унија треба да има поголема независност
Таа рече дека Европа е соочена со „шок терапија“ во поглед на безбедноста и дека се буди по децениски затишја, поради заканите на надворешни сили кои се обидуваат да ја ослабнат ЕУ одвнатре
Зеленски од Минхен порача дека Украина нема да прави територијални отстапки
Зеленски ја обвини администрацијата во Вашингтон дека притиска за територијални отстапки од Украина, но дека не врши таков притисок врз Русија.
Русија ја блокираше платформата Вотсап
Руската служба за надзор на комуникациите и медиумите Роскомнадзор го острани Востап од ДНС серверите, со што е оневозможено користењето на оваа апликација во земјата.