Договорот меѓу претседателите на Америка и на Русија Доналд Трамп и Владимир Путин за испорака на руско дизел гориво за американските пазари се соочува со големи пречки. Два од трите танкери кои го превезуваа рускиот дизел го сменија курсот и се откажаа од првично најавеното патување кон САД, објави Фајненшал тајмс.
Првиот танкер „Талисман“ кој требаше да плови до атлантскиот брег на САД го промени курсот, мина низ Гибралтар и вплови во Средоземното море и сега се наоѓа близу Алжир.
Вториот танкер „Леруо“ ја смени првичната дестинација и сега плови кон Бразил.
Двата танкери се наоѓаат под санкции на ЕУ што дополнително го отежнува нивното работење, вклучувајќи осигурување, финансиски трансакции и пристап до пристаништа.
Промените на курсот на пловење на руските танкери покажува дека привременото ублажување на американските санкции кон Русија не беше доволно за да се отстранат сите пречки во трговијата со руските нафтени деривати.
Купувачите и операторите на терминали и натаму мораат да водат сметка за прописите, санкциите врз бродовите и можните правни последици за деловна соработка со руски компании.
Во Америка има и политички отпор кон договорот Трамп-Путин, затоа што несамо Демократи, туку и некои Републиканци ја оспоруваат одлуката на администрацијата на Трамп привремено да дозволи увоиз на рускиот дизел и сметаат дека таквата трговија би можела да и обезбеди дополнителни приходи на Москва за да ја продолжи војната во Украина.
Слични новости
Гардијан: На светските пазари им претстојат нови потреси
Финансиските пазари покажуваат знаци на нестабилност, а комбинацијата на високите цени на нафтата, растот од приносот на државните обврзници и неизвесноста околу технолошкиот сектор ги поттикнува страхувањата од нова финансиска криза, пишува Гардијан.
Нафтата Брент 102 долари за барел, цената на гасот во Европа 80,5 евра за мегават- час
Цената на нафтата Брент денеска падна на 102 долари за барел поради големите очекувања од состанокот меѓу претседателите на САД и Кина Доналд Трамп и Си Џинпинг.
Цената на дизелот во Франција достигна нов рекорд од 2,41 евра за литар
Цената на дизел горивото во Франција достигна просек од 2,41 евра за литар, што претставува нов рекорд во жижата на геополитичката криза која сериозно ги наруши пазарите во снабдувањето со енергенти, пренесуваат француските медиуми.