Денеска продолжува судењето за Стојанче Јовановски, обвинет за повеќе дела поврзани со семејно насилство и трагичната смрт на неговата сопруга Ивана Стојаноска и нивната 6-годишна ќерка. Случајот се однесува на настанот од 2 март, кога мајката и детето скокнаа од стан во скопската населба Тафталиџе.
На рочиштето сведочеше Мартин Саздов, кој бил присутен во последните моменти пред трагедијата. Тој опиша сцени на закани, навреди и физичко насилство, тврдејќи дека обвинетиот континуирано ја малтретирал сопругата и ѝ се заканувал дека ќе ѝ го одземе детето и домот.
Сведочењето кулминираше со опис на последните минути, кога Ивана со ќерката излегла на терасата, по што следел силен тресок. Судењето продолжува со нови сведоци, меѓу кои и лица од училиштето на девојчето, каде претходно биле забележани индиции за семејното насилство.
Слични новости
30 насто од клиентите на е-шопинг во Македонија се пожалиле на проблеми
Во Македонија 29,41 насто од купувачите се пожалиле на проблеми при е-шопинг, покажува истражувањето на Евростат од 2025 за користење на информатичко-комуникациските технологии.
Албанските партии со остри критики до Уставниот суд поради одлуката пораките на СМС од Безбеден град да не се испраќаат на албански јазик
Ставот според кој СМС-пораките во рамки на системот „Safe City“ треба да се испраќаат само на македонски јазик, додека можат да се испраќаат и на англиски, но не и на албански, претставува дискриминација и кршење на духот на Уставот.
Царинска управа: на граничниот премин Блаце спречен обид за криумчарење 120 килограми тутун за наргиле
Царински службеници на граничниот премин Блаце, на влез во државата, спречија обид за криумчарење на вкупно 120 килограми тутун за наргиле, со вредност од 384 илјади денари кои биле наменети за продажба на македонски пазар.