Во судницата во Идризово денеска ново рочиште за случајот со пожарот во кочанската дискотека „Пулс“.
Денешното рочиште продолжува со изведување докази и сослушување сведоци. Во четвртокот сведоци кои биле во дискотеката кобната ноќ на 16 март, кога во пожар настрадаа 63 лица, а над 200 беа повредени, сведочеа пред судот за моментите на избувнување на пожарот и паниката што настанала во преполнетиот објект.
Судењето за пожарот во дискотеката Пулс се одвива под засилени безбедносни мерки. Процесот се води против повеќе од 30 физички и три правни лица, а Обвинителството го застапува тим од 15 јавни обвинители.
Целта на постапката е да се утврдат причините за пожарот, одговорноста на сторителите, како и да се обезбеди правда за жртвите и повредените.
Слични новости
МВР упаси повеќе лица, меѓу кои и доктори на скопските клиники за незаконски увоз на медицински материјали за естетика
По вчерашните претреси и апсења во Скопје, Битола и Струмица во врска со незаконски увоз на медицински материјали за естетика -ботокси и филери, Обвинителството и Министерството за внатрешни работи и денеска продолжуваат со претресите на повеќе локации.
Несреќа на градилиште во Кисела Вода, затрупани работници
Според првични информации од очевидци, има најмалку една жртва. Екипите на Итната медицинска помош се обиделе да извршат реанимација на едно од затрупаните лица, но без успех.
Кривичен суд одреди притвор од 30 дена за екс претседателот на ФФМ Сејдини
Кривичниот суд му определи притвор од 30 дена на екс претседателот на ФФМ Муамед Сејдини. Обвинителството бараше притвор за поранешниот претседател на Фудбалската Федерација на Македонија поради “опасност од бегство и оправдан страв дека осомничениот ќе ја попречува истрагата со влијание врз сведоците”.