Претседателот на иранскиот парламент Калибаф негираше дека Иран преговара со САД за прекин на војната и ја отфрли реториката на Трамп како прикриен обид за манипулирање со немирните глобални пазари.
Претходно американскиот претседател Трамп изјави дека во наредните пет дена нема да има напади врз иранската енергетска инфратсруктура, бидејќи има напредок во преговорите меѓу Вашингтон и Техеран, како и дека Иран бил наводно подготвен за договор.
Но, претседателот на иранскиот парламент изјави дека тврдењето на Трамп е лажно и дека не се водени никакви разговори на релација Вашингтон-Техеран.
„ Нашиот народ бара целосно и понижувачко казнување на агресорите. Сите функционери цврсто стојат зад својот лидер и народ, сè додека не се постигне оваа цел“.
Иранската телевизија објави дека Калибаф во неговата порака нагласи дека се шират лажни вести со цел да се манипулираат финансиските и нафтените пазари,што е обид да се избега од мочуриштето во кое се заробени САД и Израел“.
Слични новости
Нови руски удари во Украина
Нападите следуваат по краткото примирје за време на православниот Велигден, за кое двете страни меѓусебно се обвинија дека го прекршиле.
САД подготвува економски притисок врз Иран
Aмериканскиот министер за финансии Скот Бесент предупреди дека САД се подготвуваат да го засилат економскиот притисок врз Иран, велејќи дека републиканската администрација подготвува акција што ќе биде „финансиски еквивалент“ на кампањата за бомбардирање.
Иран го обвинува Венс дека го известувал Нетанјаху за текот на преговорите
За време на неодамнешните разговори меѓу САД и Иран во Исламабад, потпретседателот на САД Џеј Ди Венс одржувал паралелна комуникација со израелскиот премиер Бенјамин Нетанјаху, објави иранската телевизија.