По осум години преговори, Европската Унија и Австралија ги финализираа разговорите за договор за слободна трговија, што отвора ново поглавје во економските односи меѓу Брисел и Канбера.
Договорот предвидува укинување на царините и трговските бариери, а доаѓа во момент кога ЕУ забрзано бара посигурни и поразновидни партнери во време на глобални тензии.
Европската комисија и австралиската влада објавија дека преговорите за Договорот за слободна трговија се успешно заокружени. Веста ја соопштија претседателката на Европската комисија Урсула фон дер Лајен и австралискиот премиер Ентони Албанезе, кои нагласија дека станува збор за кулминација на процес што траеше осум години.
Главната цел на договорот е целосно отстранување на царините и другите трговски пречки, со што се очекува полесен проток на стоки и услуги меѓу двете страни.
Слични новости
Светска банка предупредува на раст на цените на енергенсите и нов притисок врз инфлацијата
Светска банка во најновиот извештај предупредува дека војната на Блискиот Исток ќе предизвика значителен раст на цените на енергенсите, кои во 2026 година би можеле да пораснат за околу 24 отсто.
Нафтата и натаму над 110 долари за барел
Суровата нафта „Брент“ порасна за 0,3 отсто и достигна 111,07 долари по барел, додека американската нафта „West Texas Intermediate“ (WTI) забележа раст од 0,2 отсто, на 99,72 долари по барел.
Емиратите ја напуштаат ОПЕК
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.