Од денеска, клиентите на АЛТА банка Битола кои имаат платежни сметки, но немаат платежни картички, ќе можат да ги подигнуваат своите средства на шалтерите во главната филијала на банката во Битола.
Максималниот износ што граѓаните ќе можат да го подигнат е 20.000 денари во период од две недели. Исплатата ќе се одвива според однапред утврден распоред, а клиентите ќе добијат СМС-порака со точниот ден и час за подигање на средствата.
Од 6 ноември, филијалата ќе работи во две смени, вклучително и во сабота.Од Народната банка апелираат граѓаните да ги почитуваат добиените термини за да се избегнат метеж и подолго чекање.
Шалтерите ќе бидат наменети исклучиво за исплата на готовина, без можност за други трансакции. Во тек се и подготовките за отворање вакви шалтери за пензионерите и корисниците на социјална помош во другите градови во земјава.
Слични новости
Платформата 12.05 бара оставка од министрите за внатрешни, за надворешни работи и за правда поради беството на Ива Михајлова во Бугарија
Владата на Мицкоски и на ВМРО-ДПМНЕ е должна веднаш да одговори дали на средбата Муцунски-Чамова во Софија е договорено бегството на Ива Михајлова, кое во Македонија ќе биде иницијална каписла за предвремени парламентарни избори, се наведува во реакцијата на Платформата.
Поправен компјутерскиот томограф на Радиологија
Еден од компјутерските томографи на Универзитетскиот институт за радиологија – Скопје од денеска е ставен во функција и е достапен за извршување дијагностички прегледи, информираа утрово од Министерството за здравство.
Пад на прометот на македонската берза
Прометот на македонската берза во септември изнесувал 402,3 милиони денари и бележи пад од 9,76 насто. Пазарната капитализација , пак, забележала пад од 2,35 насто.