Цените на нафтата денеска стигнаа до 118 долари по барел, поради пореметувањата во снабдувањето, пренесува Трејдинг економикс. Цената на нафтата Брент премина 118 долари по барел, и за прв пат е повисока од 100 долари по барел од почетокот на војната во Украина во 2022.
Фјучерсите на сировата нафта денеска пораснаа за дури 31 насто, поради намалување на производството од главните производители на Блискиот исток и пореметувања во транспортот поради затвореноста на Ормутскиот теснец.
Претседателот на САД Доналд Трамп денеска изјави дека поскапувањето на нафтата, предизвикано од војната во Иран, е мала цена која треба да се плати за безбедноста и мирот во светот.
„Краткорочните цени на нафтата кои бргу ќе паднат кога ќе се заврши уништувањето на иранската нуклеарна закана, се мала цена која треба да се плати за мирот и безбедноста“ изјави Трамп.
Доколку до крајот на март не биде отворен Ормустскиот теснец, цената на нафтата ќе скокне на 150 долари, предвидуваат аналитичарите.
Во Ирак производството на нафта падна за 70 насто, а од саботата и Кувајт го намали производството на нафта, прогласувајќи „виша сила“.
Слични новости
ЕК ќе промовира нови стратегии за визи и за миграција и азил
Европската комисија денеска ќе усвои две нови стратегии, едната за визите, а втората за миграцијата и азилот.
Германија очекува опоравување на економијата во 2026
Германската влада проценува дека Германија ќе забележи раст од 1 насто во 2026 и 1,3 насто во 2027, покажува денешната анализа на министерството за економија на Германија.
ЕУ утре претставува нова визна стратегија која би можела да го реши прашањето на превозниците
Се очекува возачите од балканскиот регион да бидат изземени од правилото 90/180 дена боравок во Шенген зоната, а едно од решенијата би можело да биде за нив да се издаваат посебни визи.