Цените на нафтата денеска стигнаа до 118 долари по барел, поради пореметувањата во снабдувањето, пренесува Трејдинг економикс. Цената на нафтата Брент премина 118 долари по барел, и за прв пат е повисока од 100 долари по барел од почетокот на војната во Украина во 2022.
Фјучерсите на сировата нафта денеска пораснаа за дури 31 насто, поради намалување на производството од главните производители на Блискиот исток и пореметувања во транспортот поради затвореноста на Ормутскиот теснец.
Претседателот на САД Доналд Трамп денеска изјави дека поскапувањето на нафтата, предизвикано од војната во Иран, е мала цена која треба да се плати за безбедноста и мирот во светот.
„Краткорочните цени на нафтата кои бргу ќе паднат кога ќе се заврши уништувањето на иранската нуклеарна закана, се мала цена која треба да се плати за мирот и безбедноста“ изјави Трамп.
Доколку до крајот на март не биде отворен Ормустскиот теснец, цената на нафтата ќе скокне на 150 долари, предвидуваат аналитичарите.
Во Ирак производството на нафта падна за 70 насто, а од саботата и Кувајт го намали производството на нафта, прогласувајќи „виша сила“.
Слични новости
Дубаи со залихи за храна уште неколку дена
Дубаи и поширокиот регион на Заливот увезуваат помеѓу 80 и 90 проценти од нивната храна, а дури 70 проценти од храната за земјите од Заливот поминува низ Ормутскиот теснец.
Нафтата Брент надмина 90 долари за барел
Цената на нафтата од типот Брент веќе надмина 90 долари за барел, што претставува раст од повеќе од 25 проценти во текот на неделата.
Британците панично купуваат бензин во очекување на големи поскапувања
Бензиските пумпи во Бекенам, јужен Лондон привремено останаа без гориво, а многу возачи пристигнуваа со канистри за да се снабдат за подолг временски период. Стравот од недостиг на гориво е забележлив и во други градови во Велика Британија, објавува „Дејли меил“.