Цените на нафтата денеска стигнаа до 118 долари по барел, поради пореметувањата во снабдувањето, пренесува Трејдинг економикс. Цената на нафтата Брент премина 118 долари по барел, и за прв пат е повисока од 100 долари по барел од почетокот на војната во Украина во 2022.
Фјучерсите на сировата нафта денеска пораснаа за дури 31 насто, поради намалување на производството од главните производители на Блискиот исток и пореметувања во транспортот поради затвореноста на Ормутскиот теснец.
Претседателот на САД Доналд Трамп денеска изјави дека поскапувањето на нафтата, предизвикано од војната во Иран, е мала цена која треба да се плати за безбедноста и мирот во светот.
„Краткорочните цени на нафтата кои бргу ќе паднат кога ќе се заврши уништувањето на иранската нуклеарна закана, се мала цена која треба да се плати за мирот и безбедноста“ изјави Трамп.
Доколку до крајот на март не биде отворен Ормустскиот теснец, цената на нафтата ќе скокне на 150 долари, предвидуваат аналитичарите.
Во Ирак производството на нафта падна за 70 насто, а од саботата и Кувајт го намали производството на нафта, прогласувајќи „виша сила“.
Слични новости
Министри за финансии на ЕУ предложија воведување данок на екстра профит за енергетските компании
Министрите за финансии на пет држави на Европската унија повикаа на воведување данок за вонредни профити на енергетските компании поради растот на цената на горивотот поради војната со Иран, се наведува во нивното писмо испратено до Европската унија.
Џеј Пи Морган предвидува цена на нафтата од 150 долари ако Ормутскиот теснец биде затворен до мај
Цените на нафтата би можеле да достигнат 150 долари по барел, доколку протокот на енергентите низ Ормутскиот теснец остане пореметен до средината на мај, објави банката Џеј Пи Морган.
Конфликтот во Иран го погоди снабдувањето и синџирот на исхраната
Нападите со дронови и ракети врз танкерите во Ормутскиот теснец каде што минува околу 27 насто од светскиот извоз на нафататаги вознемирија берзите. Но низ теснецот минуваат и 20-30 насто од глобалните ѓубрива, вклучувајќи амонијак, уреа, фосфати и сулфур.