Почина Питер Арнет, американски новинар-ветеран од војните

Роден во Нов Зеланд, натурализиран Американец, тој беше дел од генерацијата која млада замина во Виетнам и се врати засекогаш променета, десет години подоцна.

„Арнет беше бунтовник кој им се спротивставуваше на авторитетите, преземаше пресметани ризици, не им веруваше на оние на власт и се упати на боиштата“, напиша The New York Times.

„Ја прифаќаше туѓата цензира за да добие свои приказни, ја напушташе објективноста кога ќе почувствуваше дека ситуацијата го бара тоа и умееше да биде обвинуван за за објавување извештаи NYT.

Во текот на кариерата во која беше наградуван со бројни признанија, известуваше за најмалку 17 војни во Азија, Блискиот исток, Европа и Латинска Америка.

Неговото известување за Првата Заливска војна за CNN од Багдад во 1991 година го направи познат низ целиот свет. Додека американските ракети го погодуваа ирачкиот главен град, Арнет беше еден од ретките западни новинари на терен, кој известуваше во живо за настаните.

Познат е и по интервјуирањето на Осама бин Ладен во март 1997 година, „некаде во Авганистан“, четири години пред нападите врз Њујорк и Вашингтон.

Неговата кариера заврши со контроверзии. Во 1999 година, CNN го отпушти поради неговата улога во извештај во кој се тврди дека американските сили користеле нервен гас против дезертери во Лаос во текот на Виетнамската војна. Информацијата беше негирана од американските воени претставници, а CNN го повлече извештајот.

Во 2003 година, за време на Втората Заливска војна, тој беше жестоко критикуван за давање интервју за ирачката државна телевизија.

Питер Арнет, меѓу другото, изјави дека „почетниот воен план не успеал поради ирачкиот отпор“. Тој додаде: „Јасно е дека американските стратези погрешно ја процениле решителноста на ирачките сили“.

Потоа Арнет беше отпуштен од неговиот работодавач во тоа време, телевизиската мрежа NBC.

Се пензионираше во 2007 година.